Proxecto de fortalecemento e consolidación da nosa cooperativa, cofinanciado pola UE a través do Fondo Social Europeo Plus (FSE+) e xestionado por CEPES no marco do Programa EFESO.
Aventeira nace en 2019 como unha cooperativa galega sen ánimo de lucro impulsada por un grupo de profesionais do ámbito educativo e do lecer que compartían unha mesma ilusión: construír un proxecto de autoemprego social, sostible e comprometido coa transformación da realidade.
Desde entón, traballamos para promover o benestar colectivo a través da educación en valores, o xogo e a creación de experiencias auténticas que conectan persoas e comunidades.
Soñamos cun mundo no que todas as persoas poidan aprender, participar e medrar en igualdade de oportunidades, a través dunha educación de calidade libre, coidadosa, crítica e transformadora.
Aventeira está formada por un equipo multidisciplinar de nove persoas socias que compartimos un mesmo compromiso coa educación e a transformación social.
A diversidade dos nosos perfís e experiencias permítenos abordar cada proxecto desde unha mirada ampla, creativa e rigorosa.
Como cooperativa, traballamos de forma colaborativa e horizontal, convencidas de que as mellores ideas nacen cando se constrúen en común.
Apaixonado polo xogo e a educación, combina a experiencia directa na intervención co deseño e desenvolvemento de actividades e proxectos.
Achega visión estratéxica, coordina equipos e impulsa procesos de avaliación e mellora continua.
Educadora Social e Axente de Igualdade con sensibilidade artística, combina a intervención socioeducativa coa comunicación.
Desfruta tanto dinamizando grupos como creando campañas de sensibilización e contidos pedagóxicos que conectan coas persoas.
Vencellado á Educación Non Formal e ao voluntariado xuvenil, destaca pola súa capacidade para coordinar proxectos, conectar coas persoas e crear redes de colaboración.
En Aventeira, impulsa accións formativas e participa tamén na planificación económica da cooperativa.
Impulsora de proxectos de igualdade, diversidade e prevención das violencias machistas, combina o seu compromiso feminista coa formación e a facilitación de grupos.
Dentro do equipo vela polos coidados e pola creación de espazos seguros e inclusivos.
Mestre de Educación Primaria especializado en educación física e actividades no medio natural. Desenvolve proxectos de lecer educativo, participación e cultura.
Ademais, dentro da cooperativa encárgase da xestión de documentación laboral.
Educador Social e Animador Sociocultural, combina a súa formación educativa coa paixón pola animación e os coidados.
Actualmente, coordina e dinamiza o Xeocámping Montañas do Courel, promovendo un turismo educativo, sostible e conectado co territorio.
Con ampla experiencia en mediación, facilitación e intervención comunitaria, cre no poder do diálogo para transformar realidades.
Acompaña centros educativos e entidades na construción de espazos de participación, convivencia e resolución positiva de conflitos.
Ligado ao asociacionismo e á Educación Ambiental, leva anos tecendo redes de colaboración entre entidades e administracións.
Achega a súa experiencia na xestión de instalacións, equipamentos e proxectos vinculados ao lecer educativo e ao Xeocámping Montañas do Courel.
Sempre vencellado ao lecer educativo, desfruta organizando campamentos, excursións e actividades na natureza.
Ten unha especial habilidade para coordinar recursos, materiais e procedementos, garantindo que cada proxecto funcione con eficacia.
Valoramos o camiño, agradecemos e celebramos o compartido.
Construímos vínculos desde o respecto, a transparencia e o compromiso.
Poñemos no centro a vida e o benestar das persoas e comunidades.
Analizamos a realidade de forma reflexiva para transformala conscientemente.
Exercemos a participación real e a toma de decisións colectivas.
No ano 2022, Aventeira recibiu o Premio ao Cooperativismo da Xunta de Galicia na categoría de Valores Cooperativos, un recoñecemento ao noso compromiso cun modelo educativo, cooperativo e transformador.
Apostamos por unha organización responsable, sostible e centrada nas persoas.
Por iso, contamos co certificado Empresa Familiarmente Responsable (EFR), un recoñecemento que acredita o noso compromiso coa conciliación, a igualdade de oportunidades e o benestar do equipo.
En Aventeira cremos que a transformación social só é posible desde a colaboración.
Por iso, participamos activamente en redes e organizacións coas que compartimos valores e construímos proxectos en común:
Ao mesmo tempo, desenvolvemos parte do noso traballo grazas ao apoio de administracións públicas e programas de financiamento:
