Proxecto de fortalecemento e consolidación da nosa cooperativa, cofinanciado pola UE a través do Fondo Social Europeo Plus (FSE+) e xestionado por CEPES no marco do Programa EFESO.
Desde o curso escolar 2021-2022 desenvolvemos, para o Concello de Oleiros, o programa de Mediación e Convivencia Escolar, levando aos centros educativos obradoiros sobre resolución pacífica de conflitos, xestión emocional, Comunicación Non Violenta e bo trato.
Acompañamos aos centros educativos na creación de espazos de convivencia respectuosos, participativos e seguros.
A través de obradoiros, formacións e procesos de Mediación Escolar, traballamos a Educación Emocional, a comunicación, a resolución pacífica dos conflitos e o bo trato, adaptando cada proposta ás necesidades de cada comunidade educativa.
Cada proxecto nace da colaboración e da escoita das necesidades de cada entidade.
Se tes unha idea, unha proposta ou queres saber máis sobre os nosos servizos, estaremos encantadas de falar contigo.